Қазақстан Республикасы Мәдениет және спорт министрлігінің 2019 жылғы 13 қыркүйектегі №13-05-16/2726 шығыс хатына орай, Қазақстан Республикасы Мәдениет және спорт министрлігі «Қазақ тілі әліпбиін латын графикасына 2025 жылға дейін кезең-кезеңімен көшіру жөніндегі іс-шаралар жоспары» (бұдан әрі – Іс-шаралар жоспары) аясында тиісті жұмыстарды жүргізуде.

Аталған Іс-шаралар жоспарының 22-тармағына сәйкес кириллицадан латын графикасына қайта кодтаушы конвертер бағдарламасын (qazlatyn.kz) ағымдағы жылдың соңына дейін орталық мемлекеттік органдар мен әкімдіктер ресми сайттарына орналастыруы тиіс.

Бүгінгі таңда Іс-шаралар жоспарына және Қазақстан Республикасында тілдерді дамыту мен қолданудың 2011-2019 жылдарға арналған мемлекеттік бағдарламасына сәйкес «qazlatyn.kz» конвертер бағдарламасынан басқа күнделікті жұмыс барысында қолданылатын «termincom.kz», «tilalemi.kz», «sozdikqor.kz», «emle.kz», «atau.kz», «balatili.kz», «tilqural.kz» сайттары (http://tilalemi.kz/, https://sozdikqor.kz/, https://tilqural.kz, http://balatili.kz/, https://www.qazlatyn.kz/, http://emle.kz/, http://atau.kz/, https://www.qazlatyn.kz/converter/text, http://termincom.kz/, https://tilmedia.kz/) пайдаланылуға берілді.

Осы ретте аталған сайттардың қолданыс аясын кеңейту және жалпы көпшілікке қол жетімділігін арттыру мақсатында сілтемелерін ресми сайттарыңызға орналастыруларыңызды сұраймыз.

Сондай-ақ атқарылған жұмыстары туралы ақпаратты (скриншот жасап) Тілдерді дамыту басқармасына а.ж. 4 қазанға дейін ресми ЕСЭДО арқылы және жұмыс түрінде b.nsanova@kostanay.gov.kz электрондық мекенжайларға жіберуіңізді сұраймыз.

Басқарма басшысы Г. Мендекинова